`સપ્ટેમ્બર` સુધીમાં કોરોના મહામારીનો ભારતમાં આવશે અંત, નવા રિપોર્ટમાં કરાયો દાવો

નવી દિલ્હી: કોરોના વાયરસ (Corona Virus) ક્યારે ખતમ થશે? આ એક એવો સવાલ છે જે દરેકના મનમાં ઘૂમ્યા કરે છે. હવે લાગે છે કે આ સવાલનો જવાબ આવી ગયો છે. કોવિડ 19 મહામારી સપ્ટેમ્બર મધ્યની આસપાસ ભારતમાં ખતમ થઈ શકે છે. સ્વાસ્થ્ય મંત્રાલયના બે જન સ્વાસ્થ્ય વિશેષજ્ઞોએ આ દાવો કર્યો છે. જેમણે આ તારણ પર પહોંચવા માટે Mathematical form પર આધારિત વિશ્લેષણનો સહારો લીધો.

આ રીતે કરાયું આકલન
વિશ્લેષણથી એ ફલિત થાય છે કે જ્યારે ગુણાંક 100 ટકા પર પહોંચી જશે તો આ મહામારી ખતમ થઈ જશે. આ વિશ્લેષણ ઓનલાઈન જર્નલ એપીડેમીયોલોજી ઈન્ટરનેશનલમાં પ્રકાશિત થયું છે. આ અભ્યાસ સ્વાસ્થ્ય મંત્રાલયમાં Directorate general of health services (DGHS)માં ડેપ્યુટી ડિરેક્ટર (જન સ્વાસ્થ્ય) ડો. અનિલકુમાર અને DGHSમાં ડેપ્યુટી આસિસ્ટન્ટ ડિરેક્ટર (leprosy) રૂપાલી રોયે કર્યો છે. 

તેમણે આ તારણ પર પહોંચવા માટે બેલીના Mathematical formનો ઉપયોગ કર્યો. આ ગણિતિય સ્વરૂપ કોઈ મહામારીના પૂર્ણ આકારના વિતરણ પર વિચાર કરે છે જેમાં સંક્રમણ અને તેનાથી બહાર આવવાનું... બંને સામેલ છે. 

આ મેથમેટિકલ ફોર્મ સતત સંક્રમણ પ્રકારના રૂપમાં ઉપયોગમાં લેવાયું, જે નવા સંક્રમિત વ્યક્તિ સંક્રમણના સ્ત્રોત ત્યાં સુધી બની રહેશે જ્યાં સુધી તેના ચક્રથી તેઓ સંક્રમણ મુક્ત ન થઈ જાય કે પછી તેમનું મૃત્યુ ન થાય. 

જુઓ LIVE TV